طريقة عمل شوربة ورز بالجمبرى وكيفية تنظيف الجمبري مطبخ منوس

انا هنا هاشرح ليكم طريقة تنظيف الجمبرى دة شكل الجمبرى من تحت فيها شوارب زى ما انتم شايفين احنا نقص الشوارب دى كلها بالمقص

ودة شكلها بعد شيل الشوارب ونكمل الباقى بنفس الطريقة

ودة لما خلصت الكمية كلها

هنا قطعت الراس باليد وشايفين الجزء الاسمر دة سلسلة الظهر لازم نشيلة لو هوة باين كدة نشدة باليد

وهوة بيكون خيط طويل كدة زى الشكل اللى فى الصورة

وبعدين هابدا اقشرة من تحت بردة الى اخر الذيل

ودة شكلها بعد التقشير طبعا ممكن تجيبوا جمبرى مقشر جاهز بس دائما اللى بقشرة افضل بكتير وانتى تقشيرة

وهنا انا فتحتها من الظهر بالسكينة علشان اوريكم ازاى بقت نظيفة وممكن برضة نفتحها الول وبعدين نشيل السلسلة السواد دى فى المرحلة دى

هنا نتبل الجمبرى بالثوم والكمون والملح والليمون والشطة

هنا دى الرؤس بتاعت الجمبرى هاعملها شوربة نقطع عليها بصلة كبيرة وطماطماية وفلفل اخضر وفصين ثوم وملح وكمون وشطة وليمون

نقلبها على النار الى ان تتحول الى اللون الاورنج 

نزود ماء ونتركها نصف ساعة تغلى وبعدين نصفيها 

ونتمتع باحلى شوربة جامدة جدا 

هنا انا بشرت طماطماية وجزرة وفلفل اخضر مكعبات وبصل اخضر وممكن عادى وفصين ثوم

المكونات دى علشان نعمل الرز

نجيب حلة ونضع فيها معلقتين زيت ونشوح الجمبرى مع رشة كزبرة ناشفة وكمون الى ان تتحول الى اللون الورنج 

نضيف باقى المكونات ونشوح

ثم الرز المغسول

ثم ماء اقل من كمية الرز بشوية ونتركة يستوى عادى خالص 

ويزين بالبصل الاخضر والليمون وبالف هنا يؤكل مع الشوربة