هنا نحتاج الى صدور دجاج مخلية نطرقها بالمطرقة بسيط بالشكل دة
نعمل تتبيلة عبارة عن فى وعاء الخلاط نضع بصل مقطع مع عصير ليمونة كاملة ونصف كوب ماء ونخلطهم جيدا ونصفى الخليط على الدجاج ثم نضع ملح وفلفل اسمر ورشة صغيرة كركم وجوزة الطيب واى بهارات تفضلوها ومعلقة كاتشب ونخلطها جيدا ونتركها نصف ساعة فى التتبيلة او اكتر حسب الرغبة
ثم نحضر طاسة تيفال او اى صينة عادى ونضع فيها معلقتين زيت ونشوح فيها الدجاج على نار عالية
الى ان يصبح بهذا الشكل
ثم نصب عليها التتبيلة اللى كانت فيها ونتركها تستوى على نار متوسطة
وهنا شكلها بعد ما استوت نعمل لها فحمة على النار ونضع الفحمة فى وقة فويل مع معلقة صغيرة .زيت او سمنة ونغطى الطاسة دقتين كدة علشان تاخد ريحة الشواء
وتقدم بالهنا انا قدمتها مع مكرونة بالصوص الاحمر وممكن مع بطاطس حسب الرغبة لذيذة جدا وخفيفة يارب تعجبكم
***منوس ننوس**
(منى عبد المنعم )
تعليقات
إرسال تعليق