طريقة عمل تورتة الكريمة والفاكهة بأشكال مختلفة فى التزيين من الشيف منوس

دى كيكة اسفنجية ناجحة جدا

المقادير كلها بالاكواب حتى البيض عيارة بالكوب

1ونصف كوب دقيق

1ونصف كوب سكر بودرة 

1ونصف كوب بيض-وفانيليا وعصير نصف ليمونة

ملعقة صغيرة باكينج بوردر

وملعقة كبيرة ماء مغلى فقط لاغير

ولو عايزنها شيكولاتة نشيل ربع كوب دقيق ونضع مكانة ربع كوب كاكاو خام فاخر

طريقة التحضير

يخفق البيض مع السكر والفانيليا والليمون وملعقة الماء المغلى فى العجان الى ان يبيض لون الخليط وتتضاعف الكمية ثم ننخل الدقيق والبودرويضافو الى الخليط السابق على دفعات وعند اضافة الدقيق يخلط بملعقة خشب او اسباتيولامن تحت لفوق علشان نحافظ على كمية الهواء ثم توضع فى الصينية وتكون مبطنة بورق الزبدة مقاس الصينة 28 وتدخل الفرن يكون سخن قبلها بعشر دقائق وتترك حوالى ساعة الا ربع ونختبرها بعود خشبى وتترك لتبرد تماما ثم تزين حسب الرغبةانا هنا قطعتها الى نصفين وحشيتها كريم شانتى فانيليا مع قطع فاكهة صغيرة انا استعملت كمبوت الفاكهة 

وممكن تسقى الكيك بشراب الكمبوت او السفن ونغلفها من الخارج بالكريمة وتزين حسب الرغبة وبالهنا وهنا دى صور لنفس المقدار بس بتزين مختلف حسب الرغبة دى نماذج للتزين 

يارب تعجبكم اشكال التزين

***منوس ننوس***

(منى عبد المنعم )