طريقة عمل فطير باللحمة المفرومة او البيتزا الشرقى من مطبخ منوس ننوس

المقادير والمكونات

كيلو دقيق علية معلقة كبيرة ملح ويعجن بماء فاتر على حسب حالة العجينة حوالى كوب ونصف ماء 

طريقة التحضير

نحط الدقيق والملح 

ثم نضيف الماء بالتدريج نلاحظ انها لينة شوية عادى خالص نزود دقيق لغاية لما تضبط معاكى ودة شكل العجينة النهائى

هنا نبدا نشكل العجين كرات صغيرة لانى عايزاها صغيرة ولو عايزينها كبيرة نكبر الكرات دى عجينة مرنة نحطها على ورق زبدة مدهون زيت وندهن وشها كمان بالزيت علشان ما تشققش

هنا انا غطيتها وسبتها ترتاح كل ما العجينة ارتاحت كل ما كانت افضل واسهل فى الفرد 

ملاحظين دة شكلها بعد ما ارتاحت 

هنا انا محضرة زبدة على زيت للدهان الداخلى 

انا بفردها على الرخامة وبحب افرد على زيت فقط ناخد واحدة من الكرات ونفردها بالنشابة شوية

وبعدين نبدا نشدها من جميع الاطراف

لغاية لما تصبح رقيقة بهذا الشكل ومفيش مشكلة لو اتقطعت منك شوية زى كدة مش هتاثر عليها 

ندهنها بخليط الزبدة والزيت ونبدا نطوى طرف منها بهذا الشكل 

ثم الطرف التانى بالشكل دة وبرضة ندهنها

ونحط اللحمة المفرومة المعصجة بالبصل والملح والفلفل الاسمر فى المنتصف وطبعا ممكن نغير الحشو وممكن كمان نطوي بدون حشو ونحط الحشو النهائى من فوق مع بيضة مخفوقة زى المحلات 

ونطوى الطرفين الجانبين عليها 

الى ان تصبح مربع بهذا الشكل

نسيبة على جنب وبعدين ناخد كرة تانية ونفردها برضة وندهنها ونحط المربع المحشى فى المنتصف بهذا الشكل ونطوى الاطراف الاربعة عليها بنفس الطريقة انا بستخدم 2 كورة فى كل فطيرة محشية اما لو سادة بكتر عدد الكرات حوالى 7او 8 فى كل فطيرة علشان تكون مورقة كتييير

بيكون دة شكلها ونستمر بنفس الخطوات مع باقى الكراتالى ان ننتهى من الكمية بتعمل حوالى 14 فطيرة صغيرة نسيبها ترتاح شوية 

نضغط عليها باليد علشان نفردها شوية ضغطة خفيفة وندخلها فرن حامى الى ان تصبح ذهبية اللون 

وتقدم مع مخلل زيتون حسب الرغبة انا هنا قطعت واحدة علشان يبان الحشو

وتقدم بالهنا

**منوس ننوس**

(منى عبد المنعم )