.jpg)
انهاردة هانتعلم مع بعض كيفية عمل المش فى البيت
لان طبعا اكل البيت انظف بكتير ومضمون مليون فى المية
طبعا المش بالجبنة القديمة بيتاكل مع الفطير
رائع جدا مشهور فى مصر
نبدأ بسم الله
المقادير
هنا المقادير تقريبية يعنى ممكن تزيد مفيش مشكلة مش هتأثر
2 كوب حليب
نصف كوب رايب
ربع كوب ملح
معلقة عسل اسمر
شطة حمراء مفرومة وشطة بودرة
مورتة وهى دى الاساس
وطبعا جبنة قريش ولو مش متوفرة
ممكن جبنة دوبل كريم بس ما تكونش حادقة
طريقة العمل
هنا دى الشطة المفرومة والعسل
ودى المورتة وهى طبعا بنحصل عليها من تسيح الزبدة
وهنا هتلاقوا طريقة تسيح الزبدة (طريقة عمل المورته من تسيح الزبدة)
اهم حاجة انكم تحطوا المورتة على النار لما تغمق لونها بالشكل دة
ونطفى النار ونخلط عليها كل المقادير بنحصل على
صوص بالشكل دة وهوة دة المش ونكثر الشطة
ودة شكل المش
نضع فية الجبنة كلها بالشكل دة ويا اما تحطوها
فى علبة بلاستيك بالغطاء او برطمان زجاج حسب الرغبة
نتركها فى الثلاجة حوالى اسبوعين ونبدأ ناخد منها
وطبعا كل ما بتقدم بتكون اقوى فى الطعم جربوها
ان شاء الله تعجبكم جدا ودة شكلها بعد اسبوعين
بالهنـا
منوس ننوس
منى عبد المنعم
.jpg&description=){kind=link}
تعليقات
إرسال تعليق