طريقة عمل الدوناتس السادة والمحشية بالمنزل بالصور والخطوات من مطبخ منوس ننوس

المقادير والمكونات

4 كوب دقيق - 4 ملاعق كبيرة حليب بودرة - 2 معلقة كبيرة خميرة
معلقة كبيرة سكر - 3 بيضة وفانيليا وعصرة ليمون - 2 معلقة كبيرة زبدة لينة مش سائلة - حليب دافئ للعجن حوالى نصف كوب

طريقة التحضير

نضع المقادير الجافة مع بعض ثم الزبدة وتفرك ثم نضيف البيض والفانيليا والليمون ونخلط ثم الحليب الدافئ ونعجن ولو احتاجت شوية دقيق نضبط العجينة بيها مفيش مشكلة وعلى فكرة انتم ممكن من الاول تسيبوا شوية من الدقيق حوالى نصف كوب مثلا ودة نضيفة فى الاخر للتظبيط بيكون دة شكلها نضع العجينة فى اناء ونغطية بالنايلون ونتركة حتى يختمر

ودة شكلة بعد ما اختمر

نضع العجينة على رخامة مرشوشة دقيق

ونفردها بسمك 2سم 

ونبدا نقطعها بقطاعة الدوناتس لو متوفرة ولو مفيش ممكن اى فنجان مدور وغطاء زجاجة مثلا

ودة سمكها حبيت تكون واضحة علشان تلاحظوا الفرق بعدين وتقريبا على ما تخلصى تقطيع بتكون خمرت تانى نبدا فى القلى مباشرة 

يكون زيت سخن كويس نضع وحدات الدوناتس ونقلبها من الجهتين مش بتاخد وقت خالص الى ان تصبح ذهبية الافضل يكون اونها فاتح وعلى فكرة العجينة دى مش بتشرب زيت خالص بتكون جميلة زى ما انتم شايفين يا بنات دة بيكون شكلها حلوة ومافيهاش اى زيت جدا

هنا ممكن نزينها بالشيكولاتة السايحة بالشكل دة 

ثم نرسم بالشيكولاتة اشكال عشوائية سواء بيضاء او بنى 

هنا انا حضرت كريم باتيسير عبارة عن كوب حليب نضعة على انار يغلى وفى وعاء الخلاط نخلط نصف كوب حليب اخر مع بيضة وفانيليا و3 ملاعق كبيرة دقيق و4 ملاعق سكر نخلطهم كويس ولما يغلى الحليب ننزل بالخليط دة علية مع التقليب المستمر الى ان يغلظ قوامة ونفضية فى اناء اخر ونغطية بالنايلون ونتركة يبرد ونستعملة فى الحشو 

وهنا انا هاحطة فى قمع لسهولة التعامل معة

ناخد الدوناتس ونفتحها بالسكين الى نصفين ونضع الحشو بالشكل دة

ودة شكلها بتمسك فى بعض كويس 

هنا انا سيحت شيكولاتة خام ودهنتها عليها من فوق
ولكم حرية التزين ورشيت فورماسيلا وتقدم 

وتقدم بالهنا

**منوس ننوس**

(منى عبد المنعم )