المقادير والمكونات
المقادير هنا على 3 مراحل ودى اسهل تشيز كيك نفس الطعم الجاهز بالضبط لكن بدون جبن فلادلفيا (اقتصادية)
مقادير الطبقة الاولى
عبارة عن كوب ونصف بسكويت سادة مطحون
3 معلقة كبيرة زبدة نخلطها مع البسكويت المطحون
مقادير الطبقة التانية
كوب زبادى +ثلاثة ارباع كوب بودرة حليب نيدو +فانيليا +3 معالق سكر نخلطهم كويس مع بعض
مقادير الطبقة الثالثة
كوب ماء ندوب فية باكو كريم كراميل البودرة فقط ونضعة على النار حتى الغليان ونتركة جانبا
وهنا انا عملت المقدار دة على 4 قوالب طبعا ممكن نعملها فى صينية عادية وممكن نزود المقادير حسب حجم القوالب
طريقة التحضير
الاول نقسم كمية البسكويت على القوالب ونكبسها جيدا باليدونضعها تحت الشواية فى الفرن دقيقة كدة
ثم نضع الطبقة التانية الكريمية بالشكل دة وايضا نضعها تحت الشواية دقيقة حتى تتماسك
ثم نتركها تبرد شوية ونضيف الطبقة الثالثة بالشكل دة وندخلها الثلاجة تجمد
ودة شكلها بعد ما تماسكت هنا شكل الطبقات من الجوانب
نزينها حسب الرغبة وممكن بدون وهنا انا رشيت صوص الكراميل اللى بيجى مع الكريم كراميل وتقدم بالهنا جربوها سهلة وبسيطة جدا واقتصادية ونفس الطعم بالضبط بالهنا
وهنا دة شكلها كنت عاملاها فى صينية تشيز كيك
وهنا دة شكلها كنت عاملاها فى صينية تشيز كيك
وهنا دة شكلها وهى متقطعة
**منوس ننوس**
(منى عبد المنعم )
تعليقات
إرسال تعليق