عجينة اتارت دة ممكن تعتمدوها عجينة اساسية لكل انواع التارت مع اختلاف الحشوات
نبدا الاول فى تجهير الكاسترد انا بعملة ببودرة الكاسترد الجاهزة ودة شكلها
طريقة التحضير
الاول نجيب الحلة ونحط فيها مقدار الحليب حوالى لتر مع 3 ملاعق كبيرة كاسترد بودرة مع سكر حيب الحاجة ونقلب كويس قبل ما نضعة على النار
ثم نضعة على النار ونستمر فى التقليب علشان ما يعملش كتل ويصبح دة شكلة كريمى وحلو
اول ما نطفى النار نجيب قطعة نايلون من نايلون التغليف الخاص بالمطبخ ونغطى السطح مباشرة نحط النايلون على الكاسترد ملتصق فية علشان ما يعملش طبقة او قشرة ونتركة ليبرد
هنا هانحضر عجينة التارت
عبارة عن 2كوب دقيق ومعلقة صغيرة باكينج بودر +نصف كوب زبدة ونصف كوب سكر بودرة + 2 بيضة وفانيليا
الاول نضع الزبدة مع السكر
حتى تهش وتصبح بهذا الشكل
نبدا باضافة البيض والفانيليا ونخفق
الى ان يصبح بهذا الشكل
نضيف الدقيق والبودر ونخلط الى ان نحصل على عجينة متماسكة وناعمة
دة شكل قوالب التارت ممكن نعملعا فردية وممكن فى صينية واحدة حسب الرغبة
القوالب لا تدهن ناخد كرة من العجين ونحطها فى القالب
هنا انا غلفت قالب تانى بالنايلون علشان اضغط بية على العجينة ويكون سهل عليا انى اشيلة بعد كدة وهنلاقى العجينة اتوزعت بالتساوى دة لسهولة الاستخدام ممكن تتفرد باليد عادى خالص
هنا حطيت القالب المغلف بالنايلون فوق التانى واضغط كويس
وبعدين اشيلة شايفين شكلة منظم ازاى
وهكذا مع باقى القوالب
الى ان ننتهى من الكمية وتصبح بهذا الشكل
نحط القوالب فى صينية فرن ونخرمها بالشوكة علشان ما ترتفعش قوى وممكن نحط فوقها اى ثقل زى مثلا حبوب من البقوليات داخل نايلون ونضعها فى الفرن
دة شكلها اول ما تخرج
وهنا انا سيحت شيكولاتة علشان ندهن التارت الاول علشان يعمل طبقة عازلة ويحتفظ التارت بقرمشتة عند اضافة الكاسترد
وهنا دهنت كل وحدات التارت بالشكل دة
حطيت الكاسترد فى كيس حلوانى وبدات املا وحدات التارت بالشكل دة
الى ان تنتهى الكمية نبدا بتزينها بالفاكهة حسب الرغبة وندهن الفاكهة بالجيلاتين علشان تلمع
هنا انا محضرة فاكهة مشكلة حسب الرغبة انا ناس وخوخ وفراولة
وبيكون دة شكلها النهائى وبالهنا
تعليقات
إرسال تعليق