انا بعمل الكيلو مرة واحدة وبعملة فى حلة الضغط مش بياخد اكتر من ساعة الاربع بالكتيير هنا طبعا الفول انا حطيتة فى طبق غويط
وهنا انا غطيت الفول بكمية ماء كتير وسبتة من بالليل للصبح ننقعة يعنى
ودة شكلة بعد ما اتنقع نصفية من ماء النقع
ونحطة فى حلة الضغط ونغطية بكمية اخرى من الماء ونقطع مكعبات طماطماية معاة ونحط معاة يا اما ربع كوب عدس اصفر او نحط معاة ربع كوب فول مدشوش بيخلى قوامة كريمى وحلو بس كدة ونقفل الحلة ونسيبة المدة اللى قلنا عليها
ودة شكل الفول بعد ما استوى
انا هنا بضرب الفول فى محضرة الطعام او الخلاط العادى واحطة فى اكياس الحفظ الكمية حسب الحاجة واحطة فى الفريزر بيكون كريمى ورائع ولا تهرسى ولا حاجة ولما تحتاجى يا دوب يطلع من الفريزر على الميكرويف ونضيف الاضافات حسب الرغبة
هنا انا بحضر طبق فول نعصر ليمونة مع معلقة طحينة بيضاء مع ملح وكمون ونضيف الفول ونخلط
وفى الاخر الزيت انا هنا عمالة بزيت حار لانة مفيد جدا اللى هوة زيت بذر الكتان وطبعا ممكن بزيت زيتون او ذرة او دوار شمس حسب الرغبة وبالهنا
**منوس ننوس**
(منى عبد المنعم )
تعليقات
إرسال تعليق