طريقة تحضير بوريك باللحم بالصور والخطوات من منوس

دى مقادير عجينة البوريك الصح طبعا فى ناس بتعملها بعجينة عادية زى مثلا عجينة البيتزا او عجينة العشر دقائق مش هاتقول لا بس دى الطريقة الاصلية

المقادير والمكونات 

3 ونصف كوب دقيق

كوب ماء

2 بياض بيضة

معلقتين سمنة كبيرة

معلقة صغيرة ملح

وكمية اخرى من السمن والنشا للفرد

طريقة التحضير

نضع المقادير الجافة بس نخلى نصف كوب دقيق للاخر لتضبيط العجينة ثم السمن ثم بياض البيض ونعجن بالماء بالتدريج الى ان نحصل على عجينة متماسكة وطرية 

نقسمها الى كرات صغيرة متساوية ونغطيها ونتركها ترتاح ساعة ثم نفرد كل كرة على نشا ونرصهم فوق بعض ونفصل بينهم بالنايلون حتى لا يلتصق وعند الانتهاء نقلبهم حتى يصبح المفرود الاول هوة اللى فوق

ونمسك واحدة واحدة وندهن الرخامة سمنة او زيت حسب الرغبة ونشدها حتى تصبح رقيقة وندهنها كويس وهكذا مع كل الكرات نضع كل 3 دوائر مفرودة فوق بعض ونساوى الاطراف ونعملها مستطيلات بهذا الشكل الحجم حسب الرغبة 

وممكن تحشى جبنة وممكن لحم مفروم معصج بالبصل والبهارات والسمن

نضع معلقة من الحشو على الطرف 

ونبدأ نلفها مثلثات بالشكل دة 

وترص على صينة فرن مدهونة وندخلها فرن حار الى ان تصبح ذهبية اللون

وتقدم بالهنا دة شكلها النهائى هشة وجميلة

***منوس ننوس***

(منى عبد المنعم )