دة نوع جديد من طريقة عمل الكنافة مش كتير يعرفوا الحشوة دى بس بصراحة طعم جديد
طريقة التحضير
دة حوالى نصف كيلو إلا شوية كنافة حوالى (450 جم)
نجيب الكنافة ونفكفكها باطراف اليد ونضع عليها 2معلقة كبيرة سكر بودرة ونفرفرها فيها كويس
ودة شكلها بعد ما خلطنا السكر عليها
هنا انا قدحت 4معالق كبيرة سمنة وطشتها على الكنافة وقلبت بمعلقة خشب على ماتبرد وبعدين باليد علشان تتغلغل أو تتشرب فى الكنافة
نجيب صينية بيتزا بمعنى صنية قصيرة الحافة ونضع نصف مقدار الكنافة
ثم نضع شرائح من الموز بشكل كافى يغطى كل الصينية ونرش علية معلقة كبيرة سكر بودرة لانة بيظهر ريحة الموز
ثم الطبقة التانية باقى الكنافة وتوضع فى الفرن
وده شكلها اول ما خرجت ملاحظين السكر خلاها كانها فيها كراميل تسقى بالشربات البارد فور خروجها
وتقطع وتقدم بالهنا طعمها رائع
تعليقات
إرسال تعليق