هنا انا جبت لحمة مفرومة الكمية حسب الرغبة ونضيف لها فلفل اسمر ورشة بهار لحمة وملح وعصير ليمونة وبصلة كبيرة مبشورة وحبة صغيرة لية مبشورة (دهن) بس بسيط خالص علشان يديك طعم الحواوشى الاصلى وممكن طبعا تستغنى عنة نخلط المكونات كويس مع بعض
بعد ما خلطنا مكونات اللحم نحط ورقة فويل صغيرة فيها معلقة صغيرة سمنة او زبدة بهذا الشكل
نكون مولعين فحمة على النا رنحطها فى الفويل بهذا الشكل زى ما انتم شايفين الدخان ونغطى الاناء ونتركة خمس دقائق علشان اللحمة تاخد طعم الشوى
دة خبز اسمر انا بحب اعمل بية الحواووشى نقطع الخبز الى انصاف بهذا الشكل
هنا انا فرمة كمية من البصل المبشور المتبل باللملح والفلفل الاسمر علشان احط منة طبقة فوق اللحمة فى الساندوتش بيعطية طعم جميل جدا ودة حسب الرغبة
نفتح الخبز وناخد جزء من اللحم ونفردة بهذا الشكل الكمية حسب الرغبة
وبعدين طبقة من البصل
وهكذا الى ان تنتهى الكمية
نكون مجهزين ورق فويل انا بحب الف كل 2 مع بعض بالشكل دة وممكن ورق زبدة او اكياس فرن و بتخافوا من الفويل
ونطبق الورق علية كدة
وبعدين نصفين بالشكل دة
نكون مجهزين صينية فرن نضعة فى الصينية وندخلة الفرن بياخذ حوالى ساعة مع تقليبة على الجهتين فى منتصف الوقت والنار تكون وسط علسان ما يتحرقش
ودة شكلة بعد ما استوى بيكون طرى وجميل وانا بحب اقدمة بهذا الشكل مع بطاطس وطماطم وخيار ومخلل وكاتشب وبالهنا
**منوس ننوس**
(منى عبد المنعم )
تعليقات
إرسال تعليق