طريقة تحضير كيكة الجيلى مع أحدث الإبداعات بالصور خطوة بخطوة من منوس ننوس

المقادير

هنا نحتاج الى 3 باكو جيلى دريم ونعملهم بخمس كوب ماء نضع 2ونصف كوب ماء مغلى وندوب فيهم الجيلى ثم نضيف 2ونصف كوب ماء مثلج ونقلب كويس نجيب صينية فى حجم اللى هانعمل فيها الكيكة ونضع فيها قليل جدا من الجيلى ونرص الموز بالشكل اللى احنا عايزينة وندخلها التلاجة تتماسك كويس

وبعدين نطلعها نصب عليها باقى الجيلى بس نحتفظ بكوب واحد منة علشان نسقى بية الكيك وندخلها تانى التلاجة تجمد على ما نحضر الكيك

هنا هانعمل الكيك الكيك الاسفنجى ودى مقادير مضمونة ان شاء اللة 100% بس اهم حاجة انك تستعملى نفس الكوب فى عيار كل المقادير حتى البيض

المقادير والمكونات

كوب دقيق علية معلقة صغيرة باكينج بودر + كوب بيض علية فانيليا وعصير ليمونة + كوب سكر بودرة ناعم +معلقة كبيرة ماء مغلى

والبيض يكون برة الثلاجة

وعلى فكرة لو عايزنها تورتة اعلى نكبر المقدار كوب وربع او كوب نصف من كل حاجة بس الوصفة دى الكيكة بتكون متوسطة مش محتاجين كيك عالى جدا

نضع البيض والليمون والفانيليا والسكر ونخفق وفى اثناء الخفق نضع الماء المغلى ونستمر فى الخفق حوالى عشر دقائق لازم

الى ان نحصل على خليط هش وابيض بهذا الشكل

طبعا اساسى ننخل الدقيق مع البودر علشان ندخل فية كمية من الهواء ونبدا نضيفة على الخليط على مرتين ونقلب من فوق لتحت بخفة بالاسباتيولا او بالمعلقة الخشب عادى

نحضر صينة فرن مقاس 28 ونبطنها من تحت بورف الزبدة ومن الجوانب دقيق وزبدة بهذا الشكل ونصب الخليط فيها وندخلها الفرن 

دة شكل الجيلى بعد ما تماسك 

نقلب علية الكيكة طبعا لما تبرد شوية وبعدين نصب عليها كوب الجيلى اللى شيلناة فى الاول 

بالشكل دة ونغلفها ونرجعها تانى الثلاجة علشان الكيكة تمسك فى الجيلى

ولما نجى نقدمها نمشيى الصينية من فوق النار بسرعة علشان نعرف نقلبها او نسخن فوطة مبلولة بماء ساخن ونضع الصينية عليها شوية ونقلبها ودة شكلها النهائى بجد طعمها رائع جدا وخفيفة جدا جدا

بالهنا والعافية

***منوس ننوس***

(منى عبد المنعم )