طريقة عمل الفطيرة السويسرية بالصور من مطبخ منوس

دى عبارة عن نوع من المعجنات ممكن تتعمل باى نوع من المعجنات الحاجة المميزة فيها طريقة لف العجينة نفسها شكلها جميل وجديد يارب تعجبكم

المقادير والمكونات

نصف كيلو دقيق +ربع كوب زيت +2معلقة كبيرة خميرة +معلقة كبيرة سكر +كوب زبادى او نصف كوب لبن رايب+ربع كوب حليب بودرة نيدو +حليب دافئ للعجن حوالى كوب 

طريقة الاعداد

نضع المقادير الجافة ونخلط ثم الزين ونخلط ثم الرايب ونكمل العجن بالحليب الدافئ نقسمها الى كرات متوسطة الحجم هنحتاج فى الفطيرة الواحدة من 4 لى 5 كرات 

نغطى العجين ونتركة يختمر

ودة شكلة بعد ما اختمر

ناخد كرة ونفردها الى دائرة على قليل من الدقيق نفردها بحجم الصينية اللى هانعمل فيها زى صينية البيتزا مثلا

هنا طبعا لكم حرية الاختيار فى نوعية الحشو ممكن تحشى بعجينة الشيكولاتة البنى وممكن بمعجون التمر او العجوة وممكن بالسكر وبودرة الكاكاو وممكن بالسكر والقرفة والزبدة 

انا هنا حشيتها زبدة وسكر وقرفة ندهن الصينية زيت بسيط ونضع اول طبقة من الدوائر وندهنها بالزبد ونرش سكر وقرفة

ثم نفرد كرة اخرى من العجين على الرخامة ونضعها فوق الاولى فى الصينة كدة وبردة نعمل نفس الخطوات من الحشو وهكذا الى ان ننتهى من كرات العجين

نساوى اطراف العجين ونضغط عليها بالاصبع بالشكل دة 

ونقطع الدائرة الى 16 مثلث بهذا الشكل من المنتصف الى الاطراف بس ما نوصل لاخر الصينية 

وبعدين نمسك مثلث مثلث من المنتصف من الراس يعنى ونلفة 3 مرات كدة وهكذا مع كل المثلثات

الى ان نتهى وتصبح بهذا الشكل انا عملت 3 كور صغيرة ووضعتهم فى المنتصف علشان يكون شكل الفطيرة حلو وممكن تعملوها وردة حسب الرغبة نتركها تخمر شوية وندخلها فرن حار حوالى ربع ساعة الى ان تاخد لون ذهبى

ودة شكلها من قريب علشان تتخيلو اللفة جميلة جدا

ودة شكلها النهائى وممكن نرش عليها عسل ابيض اول ما تخرج بس لازم نشيلها من الصينية على طول وهى سخنة وبالف هنا يارب تعجبكم