طريقة عمل معجنات الكعك أو القرص الطرية بالصور والخطوات من الشيف منوس

قرص طرية جميلة جدا ممكن تتعمل سادة او باى حشو تفضلونة يا رب يعجبكم

ومن الطرق السهلة والأقتصادية لأستخدام واستغلال اللبن الرايب والأستفادة منه

المقادير والمكونات

4 كوب دقيق

معلقة كبيرة خميرة

معلقة صغيرة ملح

معلقة صغيرة سكر

2 معلقة كبيرة زبدة فى درجة حرارة المطبخ

2 معلقة كبيرة قشطة فلاحى

كوب حليب رائب ونصف كوب حليب عادى دافئ لتكملة العجن

ملحوظة : ممكن تتعجن كلها بالرايب بدون حليب

طريقة التحضير

الاول نضع المكونات الجافة مع بعض ونخلط

ثم الزبدة وتفرك جيدا

ثم القشطة واللبن الرائب ونخلط ثم الحليب الدافئ بالتدريج مكن ما نحتاج كل الكمية

نعجن الى ان نحصل على عجينة لينة طرية لا تلتصق باليد

نضعها فى انا عميق ونغطيها ونتركها تخمر بهذا الشكل

هنا دة معجون تمر انا عملتة كور علشان احشى بيها

ناخد جزء من العجينة طبعا الحجم حسب الرغبة انا بحبها صغيرة نعمل حفرة ونضع فيها الحشو

ونقفلها بهذا الشكل

ثم نضغط عليها ضغطة خفيفة بالشكل دة

وترص فى الصينية مباشرة بدون دهان الصينية خالص ونتركها تخمر

وده شكلها بعد الخمر توضع فى الفرن حتى تمام النضج وممكن نرش على الوجة سمسم بس بدون اى دهان خالص للوجة ولا للصينية

ودة شكلها اول ما طلعت من الفرن خمرانة وحلوة جدا ولا اطرى من كدة

وكمان ممكن تتحشى سكر مع قرفة مع زبيب كمان تحفة

وبنفس الطريقة وممكن جبنة وممكن زيتون اى حشو تحبوة وممكن سادة خالص تحفة

ودة شكلها من جوة بعد ما استوت

وتقدم بالهنا

** منوس ننوس **

(منى عبد المنعم)