طريقة تحضير خبز التورتيلا أو الرقاق الطرى بالصور والخطوات من منوس

المقادير والمكونات

نصف كيلو دقيق علية معلقة كبيرة ملح علية ربع كوب زبدة علية نصف كيلو لبن رائب (خاثر)

طريقة العمل

الاول نضيف الدقيق والملح ونقلب ثم نفرك الزبدة فى الدقيق

نضيف اللبن الرايب ونعجن ولو احتاجت رشة دقيق لتضبيط العجينة مفيش مشكلة

الى ان نحصل على عجينة طرية وحلوة

نقطعها الى كور متوسطة بحجم اليوسفى ونغطيها بفوطة مبلولة ماء او نايلون ونتركها ترتاح ربع ساعة علشان ما يتقطع واحنا بنفردة

هنا انا هاقولكم على طريقة حلوة وسهلة تجيبى صينية فرن وتشغلى البوتجاز وتقلبى الصينية على النار بالشكل دة يعنى النار من جوة علشان نخبز عليها الرقاق

ولو مش حابين الطريقة دى ممكن طاسة تيفال 

ناخد كرة ونرش دقيق كويس ونفرد بالنشابة

الى ان تصبح رقيقة جدا وكل ما احتاجت دقيق نرش وشايفين شكلها بقة حلو ازاى لما ارتاحت العجينة

انا هنا بلفها عل النشابة علشان اعرف اشيلها

ومباشرة على الصينية المقلوبة

يا دوب بتاخد ثوانى بتبدا تنتفخ بالشكل دة 

ونقلبها على الطرف التانى واول ما تبدا تاخد لون دهبى بسيط نشيل على طول ونحطها بين فوطيتين مطبخ لغاية ما نخلص الكمية كلها

ودة شكلة المطلوب جميل جدا وطرى جداوهنا انا تنيت واحدة طبقتها يعنى علشان تشوفوا انها طرية جدا 

ودة الشكل التهائى وبالهنا وطبعا دة نوع من انواع الخبز ودة برضة نفس طريقة الرقاق الناشف بس الفرق ان دة بيتعجن باللبن الرايب والناشف بيتعمل بالماء وكمان الناشف مش بيتحط لة زبدة يعنى بيكون دقيق وملح وماء بس

**منوس ننوس**

(منى عبد المنعم )