طريقة عمل سمبوسك أو سمبوسة باللحم بالصور من مطبخ منوس ننوس

المقادير والمكونات

2كوب دقيق  +2 بيضة + معلقة كبيرة باكينج بودر + نصف معلقة صغيرة ملح + 2 معلقة كبيرة زيت وحوالى نصف كوب ماء او حليب للعجن عادى وليس دافئ 

طريقة التحضير

اولا نضع الدقيق والملح والبودر ونخلط ثم الزيت وعندما يصبح الخليط رملى شوية نضع البيض وممكن عصرة ليمون صغيرة ونخلط ونكمل عجن بالماء او الحليب الى ان تتكون لدينا عجينة ناعمة لا تلتصق بالاناء 

نرش دقيق على الرخامة ونضع العجينة ونغطيها ونتركها ترتاح نصف ساعة وممكن نعملها كور صغيرة بحجم عين الجمل لو نحب علشان على طول نفرد ونحشى 

او زى ما انا عملت فردتها كلها وقطعتها بالقطاعة حسب الرغبة

هنا انا فردت العجينة وقطعتها دوائر صغيرة بهذا الشكل وتكون رقيقة

هنا انا حشيتها لحمة مفرومة معصجة وممكن جبنة حسب الرغبة وممكن نضيف بقدونس على اللحم المفروم نضع الحشو على نصف الدائرة

ونطوى النصف الاخر بهذا الشكل ونضغط عليها كويس بالشوكة ثم نغلقها باليد كويس بالشكل اللى فى الصورة علشان ما تفتحش فى الزيت ثم ننتهى من الكمية كلها وممكن فى المرحلة دى نضعها فى اطباق فيبر وبينها فواصل اكياس ونجمدها وعند الحاجة ثم نقليها فى زيت غزير ساخن 

ونضعها على ورق مطبخ ودة شكلها من قريب وعلى فكرة احلى كتير من العجينة الجاهزة ومش بتشرب زيت

وتقدم بالهنا مشهورة جدا وبنعملها فى رمضان على طول يارب تعجبكم

**منوس ننوس**

(منى عبد المنعم )