طريقة تحضير جاتوه شوكليت فى المنزل بالصور والخطوات من مطبخ منوس ننوس

نفس مقادير شوكليت كيك كنتاكى بس بفكرة تانية

لمشاهدة الوصفة ومكوناتها من هنا
طريقة عمل شوكليت كيك كنتاكى

وهى اننا بدل ما نضع المقدار كلة فى صينة واحدة نقسم المقدار على صينيتين من صوانى البيتزا سواء دائرية او مربعة حسب الرغبة طبعا الجاتوه يناسبه مربع او مستطيل لكن انا بصراحة عملته فى دائرى

الطريقة دى بتسهل عليكى كتير تحشى الكيك بدون ما تقسمى الكيك وتكونى واثقة ان القطعتين نفس المقاس وكمان مش بتاخد وقت فى الفرن نهائى حوالى من 10 دقائق الى ربع ساعة بالكتير لان الكمية مقسومة

ودة شكلها بعد ما استوت 

شايفين هنا شكلها من فوق او من تحت رائعة وطرية جدا نقلب واحدة طبعا بعد ما تبرد ونضع كمية الكريمة الكميات مفتوحة حسب الرغبة انا بحب احط كمية توازى حجم شريحة الكيك بهذا الشكل هنا دة شكل سمك الكيكة 

وهنا بعد ما حطيت الكريمة 

ثم نضع الطبقة التانية من الكيك 

ثم نغلفها كلها بالكريمة ونضعها فى الثلاجة تبرد كويس ثم نصب عليها صوص الشيكولاته طبعا ممكن نكتفى بالكيك فقط وممكن بالكريمة بدون صوص يعنى دة راجع ليكم حسب الرغبة 

ونرجعها تانى الثلاجة تتماسك كويس ونقطعها حسب الرغبة بما اننا قولنا جاتوة يبقى مستطيلات بهذا الشكل 

وتقدم بالهنا ممكن تزين كمان بفورماسيلا او بشر شيكولاتة وممكن تكون الكريمة بيضاء يعنى لكم حرية الاختيار

**منوس ننوس**

(منى عبد المنعم )