جاتوه بطريقة سهلة وناجح جدا وممكن نعملة العكس الكيك فانيليا والحشو كاكاو حسب الرغبة وبالهنا
المقادير والمكونات
8 بيضات
فانيليا
عصير نصف ليمونة
كوب ونصف سكر ناعم بودرة
كوب دقيق
نصف كوب كاكاو خام
معلقة صغيرة باكينج بودر
ذرة ملح
معلقة كبيرة ماء مغلى
طريقة التحضير
نضع البيض مع السكر والفانيليا والليمون ونخفق شوية ثم نضع معلقة كبيرة ماء مغلى مغلى ونستمر فى الخفق حوالى ربع ساعة
لاحظو كمية الخليط دلوقتى فى المرحلة دى
وهنا بعد ما خفقناة حوالى ربع ساعة شفتم ازاى الكمية كبرت والبولة اتملئت ازاى ولازم يعمل علامة الشريط دى يعنى لما نرفع المضرب يعمل خيط يترك اثر على الخليط بالشكل ده
هنا انا نخلت الدقيق والبودر والكاكاو والملح مع بعض وابدا اضيفهم شوية شوية واقلب بالاسباتيولا او المعلقة الخشب من تحت لفوق بخفة شديدة علشان نحتفظ بكمية الهواء
ودة شكلة بعد ما ضفت الكمية كلها
هنا انا هاعمل الجاتوة بطريقة سهلة وعملية جدا
نحضر 3 صوانى مستطيلة نفس الحجم ونبطنها بورق زبدة وكمان انا بطنتها بالزبدة والكاكاو مع الدقيق لزيادة الامان
نوزع الكمية على الثلاث صوانى بالشكل دة بتكون طبقة رقيقة وطبعا نكون قبل ما نبدا مشغلين الفرن نضعها على درجة حرارة 180 بتاخد عشر دقايق بس على الرف الاوسط
ودة شكلها بعد ما استوت طرية جدا وحلوة ومش بتاخد وقت خالص نتركها تبرد ونشيلها من الصوانى
ومعلش اعذورنى الصورة اتمسحت
نكون مجهزين كريم شانتى كريمة ونضع طبقة من الكيك ثم الكريمة ثم كيك ثم كريمة ثم كيك بتكون 3 طبقات كيك ثم نقطعها الى مستطيلات بحجم الجاتوة
شايفين شكله حلو ازاى وطبقات الكيك والكريمة
وهنا انا رشيت عليها بودرة كاكاو لأنى كنت مستعجلة لكن طبعا ممكن نبدع فى التزين حسب الرغبة طبعا وبألف هنا وشفا
** منوس ننوس **
(منى عبد المنعم)
تعليقات
إرسال تعليق