شرح طريقة استخدام كيس الحلوانى وشكله بالصور من الشيف منى عبد المنعم

بناء على طلب المتابعيين اللى كانوا عايزين يعرفوا شكل كيس الحلوانى اللى انا بستخدمة انا هنا صورتة ليكم علشان تعرفوة

طريقة الإستخدام والشكل

هنا دة شكل الكيس والاقماع اللى بتيجى معاة 

طبعا متوفر اكياس منفردة وايضا اكياس مع الاقماع انا بصراحة اشتريت الاول طقم كامل الكيس مع اقماعة بيكون بحوالى 35 جنية معاة 7 اقماع الموجودين فى الصورة طبعا دى مش كل الاشكال فى اقماع تانى كتير بتتباع منفردة برضوا اللى مش متوفر فى الاشكال ممكن نشترية لوحدة 

وانا طبعا بشترى كذا كيس منفرد تانى لانى بحتاجهم فى الوان كريمات وكدة

هنا دة شكل الكيس من الداخل خلوا بالكم الكيس النظيف الممتاز بيكون من برة قماش ومن جوة مشمع قوى لازم يكون مشمع من الداخل لانة لو كلة قماش بيطلع منة الكريمات مش بيكون حلو خالص

وهو لما بنشترية بيكون مفتوح حتة صغيرة خالص من تحت واوقات بيكون مقفول نهائيا انتى بتحطى القمع جواة وبعدين تحددى بالقلم من برة الى ربع القمع خلى بالكم يا دوب الراس بس تظهر وتقصى بالمقص حاولوا ما تقصوش كتير علشان يكون القمع داخل كويس ومفيش اى حاجة تتسرب من الجوانب

وطبعا هنا مكتوب علية الرقم دة حجمة يعنى لان فى احجام طبعا منعا صغير ومتوسط وكبير انا بجيب الصغير للكريمات والكبير لبلح الشام والبسكويتات ولو هنزين تورتة بكمية كبيرة من الكريمة، ارجو انكم تكونوا استفدتم يارب

** منوس ننوس **

(منى عبد المنعم)