دى طريقة جديدة وسهلة ولذيذة لورقة اللحمة انا هنا عملتها بالكفتة مع البطاطس
المقادير والمكونات
2جزر مبشور +2فلفل اخضر مقطع مكعبات +2طماطم مكعبات +2بصلة كبيرة مبشورة وواحدة ليمونة وكمية من البطاطس المقطعة حلقات ومقدار من الكفتة المستديرة طبعا نجيب اللحمة المفرومة ونتبلها بملح وفلفل وبهار وبصل مبشور ونخلطهم كويس ونعملها دوائر زى الصورة كدة
نجيب صينية الفرن ونحط طبقة من البصل المدعوك بالملح والفلفل وطبقة من البطاطس وشوية جزر وطماطم وفلفل ونعصر نصف الليمونة
وبعدين بنرص الكفتة
ونرجع نكرر نفس الطبقات كما فى الصورة ونصف الليمونة الباقى
ونزود ملح وفلفل حسب الرغبة ونرش معلقة كبيرة زيت على الوجة ونحط حوالى كوب كبير ماء ونضعها على النار حتى تستوى كويس وتنشف ميتها خالص نشغل شواية الفرن ونحمر الوجة وبعدين نطلعها ونعمل لها فحمة ونغطيها شوية وتقدم
ودة شكلها النهائى وبالهنا
** منوس ننوس **
(منى عبد المنعم)
تعليقات
إرسال تعليق