عمل اللازانيا باللحمة المفرومة بالصور بطريقة الشيف منى عبد المنعم

دى لازانيا سهلة وبسيطة وبحشوة اللحمة المفرومة

طبعا اللازانيا ممكن تتحشى حشوات مختلفة كتير دة نوع منها حسب الرغبة 

طريقة العمل والإعداد 

هنا هنحتاج الى علبة لازانيا النوع اللى انا بجيبه ده بيتعمل بدون سلق 

ومقدار من صوص البشاميل والطريقة فى الرابط التالى

( طريقة عمل صوص البشاميل بالصور والخطوات )

وحوالى كيلو الاربع لحمة مفرومة معصجة بالبصل والملح والفلفل الاسمر ومستوية فى عصير طماطم او معجون طماطم ونخلى اللحمة فيها عقد شوية علشان اللازانيا تستوى كويس

نبدا فى تطبيق الوصفة نحضر قارب فرن مستطيل وندهنة قليل من السمنة او الزبدة ونضع فية رشة بشاميل ثم اللازانيا نرصها بطريقة منتظمة راق واحد

ثم طبقة من اللحم المفروم ثم طبقة لازانيا

ثم طبقة بشاميل

ثم لازانيا ثم لحم مفروم وهكذا الى ان تنتهى الكمية

واخر طبقة تكون لازانيا ثم بشاميل ونساوى السطح كويس ثم نضيف معلقة صغيرة سمن على الوجة فقط وندخلها الفرن الى ان تاخد اللون الذهبى الغامق

ودة شكلها اول ما تخرج من الفرن تقطع وتقدم بالهنا

** منوس ننوس **

(منى عبد المنعم)