ده كانيلونى عادى باللحمة المفرومة بس انا لفيتة بشكل مختلف عن التقليدى
المقادير والمكونات
1كوب دقيق
1كوب حليب عادى
2 بيضة
عصير ليمونة
معلقة صغيرة ملح
معلقة صغيرة سكر
طريقة التحضير
نضع المقادير كلها على بعض فى الخلاط
وده شكله بعد الخلط نضعه فى وعاء ونغطيه ونتركه حوالى ساعة إلا ربع (45 دقيقة) علشان مسامه تكون احلى وانا هنا حطيته فى وعاء علشان يكون سهل ونصبه ونستعمله على طول
هنا نحضر طاسة تيفال الحجم حسب الحاجه انا بصراحه عندى الكبير ندهنها بسيط سمنة ونصب فى الوسط ونحرك الطاسة شمال ويمين لغاية ما تغطى قاع الطاسة بهذا الشكل بس تكون حركتنا سريعة شوية لانة بيمسك على طول دقيقة ونقلبه على الجهة التانية
وهكذا الى ان تنتهى الكمية دة بيعمل حوالى 9 كبار طبعا لو اصغر هايعمل اكتر
ناخد واحدة من الكريب ونخلى وشها تحت والظهر من فوق كدة دة الظهر بيكون منقط
نضع معلقتين كبار من اللحمة المفرومة المعصجة بالصلصلة فى المنتصف ونثنى الطرفين لجوة
ثم الطرفين الاخرين بهذا الشكل
وهنا ممكن نضعها على ماكينة الساندوتشات او فى طاسة تيفال او حتى فى صينية فى الفرن تتحمر
ويقدم بالهنا
ودة شكلة النهائى بالهنا
** منوس ننوس **
(منى عبد المنعم)
تعليقات
إرسال تعليق