طريقة عمل مربى الفراولة فى المنزل بالصور والخطوات من الشيف منوس ننوس

المقادير والمكونات

كيلو فراولة منزوع منها الاوراق الخضراء ومغسولة جيدا

عصير ليمونة او ربع معلقة صغيرة جدا ملح ليمون

كيلو سكر

طريقة التحضير

نقطع الفراولة الى قطع صغيرة حسب الرغبة

ونضعها فى طبقات متبادلة مع السكر طبقة سكر وطبقة فراولة وتترك فى الثلاجة من الليل للصبح 

نلاحظ شكلها تانى يوم بتجيب ماء سكرى بهذا الشكل 

نصفى الفراولة وتترك جانبا وناخد العصير اللى طلع منها بهذا الشكل نضعة فى قدر على النار الى ان يغلى ننزع الريم ان وجد ثم نضيف عصير الليمون 

ثم نضيف الفراولة ونتركها تستوى وتتقل بهذا الشكل 

وعلشان نختبرها نضع طبق فى الفريزر حتى يبرد تمام ثم نخرجة ونضع علية معلقة صغيرة من عسل المربى ونحرك الطبق لو لاقيناها بتتحرك بتقل وبتعمل كشكشة يبقى كدة تمام لكن لو لسة سائلة نتركها شوية كمان وهكذا 

وتترك تبرد ثم تعبأ فى برطمان معقم وتحفظ فى الثلاجة وبالهنا

ودة شكلها النهائى

**منوس ننوس**

(منى عبد المنعم)