كيفية عمل كاسات التراميسو بالصور والخطوات بطريقة الشيف منى عبد المنعم

تراميسو كاسات على طريقتى سهل جدا وطعمه جميل جربوه هيعجبكم ان شاء الله

طريقة العمل والتحضير

هنجهز مقدار من الكاسترد والفانيليا والطريقة كالتالى 2 كوب حليب عليهم 4 معالق كبار ممسوحين يعنى مش مليانين أوى بودرة الكاسترد مع معلقة كبيرة نسكافية وسكر حسب المذاق نحطهم كلهم فى حلة ونقلبهم كويس على البارد لغاية ما يدوبو كويس جدا وبعدين نحطهم على النار مع التقليب المستمر لغاية ما يتقل يكون زى المهلبية كدا أو يبقى كريمى ونحضر اى نوع بسكويت سادة

نصب مقدار من الكاسترد ثم البسكويت بس نكون سراع شوية

علشان الكاسترد ما يعملش قشرة

وهكذا نضع طبقات متبادلة الى ان ننتهى من الكميات

ونرش على الوجة بودرة كاكاو سادة

ويزين بأى شئ تحبوه انا هنا حطيت ام اند ام

وندخله التلاجة إلى ان يبرد ويقدم بالهنا طعمة جميل جدا بصراحه

** منوس ننوس **

(منى عبد المنعم)