نوع من انواع الكشرى بيتعمل بالعدس الاصفر طعمة مختلف بس جميل نوع من التغير
طريقة العمل والتحضير
هنا انا محضرة كوب من الارز مع كوب من العدس الاصفر
انا بحب اعمله النصف بالنصف نقلبة كويس ونغسله ونصفيه
نحضر حلة ونضع فيها معلقة سمنة ونتركها تقدح علشان يكون طعمة حلو وبعدين نضع الرز والعدس ونضع عيار الماء الـ 2 كوب رز مع عدس عليهم كوب وربع بس ماء علشان يكون مفرفر وحلو ونحط ملح ورشة كمون صغيرة ونتركة يغلى ولما المية تصفى يعنى الرز يتشربها
بالشكل دة نخفض النار خالص ونتلركة يستوى ونقلبة مرة كدة بعد عشر دقائق ونتركة يكمل سواء
الكشرى دة بتعمل معاة بطاطس مسلوقة ومحمرة انا هنا قشرت البطاطس وحطيتها تتسلق فى ماء وملح بس ما نسوهاش على الاخر وبعد كدة نصفيها ونحمرها
وكمان بتعمل معاة باذنجان محمر وفلفل محمر
انا هنا قطعت الباذنجان ورشيت علية ملح علشان ما يشربش زيت
وبعد كدة قليتهم وطبعا نرش عليهم ملح وكمون وعصير ليمون
وطبعا ممكن نشوح شرائح بصله فى قليل من الزيت الى ان تصفر لونها وتوضع على الارز عند التقديم لكن انا مش عملتها عشان الأولاد بيحبوا الكشري خفيف لكن انا بقول للى تحب تعملها حسب الرغبة
ويقدم بالهنا مع البطاطس والمقالى وسلطة خضراء بالبصل
وكمان ممكن بيض مسلوق رائع وتغير أكل
وهنا طريقة تانية للكشري المصرى بالتفصيل بالدقة والبصل البنى
** منوس ننوس **
(منى عبد المنعم)
تعليقات
إرسال تعليق