بداية الطبق ده ليه مسميات كتير فيه ناس بيقولوا عليها محشي بطاطس، وفيه ناس بيسموها بطاطس متأورة ومحشية... إلخ، وكلها نفس فكرة العمل وطبعاً المسميات دى بالنسبة لمصر أما الدول العربية ليها مسميات أخرى
طريقة العمل والتحضير
هنا نحتاج الى بطاطس صغيرة فى الحجم نقشرها
ومن تحت نساويها بحيث اننا نقدر نوقفها كويس فى الصينية
ومن الداخل نفرغها كويس بالشكل دة
وطبعا نضعها فى ماء علشان ما تسودش ودة شكلها لما خلصت الكمية
البطاطس اللى هانطلعها من الوسط مانرميهاش ممكن نسلقها ونعمل بيها ثومية
هنا فى طاسة تيفال نضع معلقة سمنة او زيت ونشوح البطاطس فيها مع رشة فلفل اسمر
نكون محضرين لحمة مفرومة معصجة بالبصل والملح والفلفل ومستوية تماما نحشى وحدات البطاطس وترص فى صينية فرن
نعمل كوب عصير طماطم او صلصلة مع كوب ماء مع ملح وفلفل اسمر
ونسقى بيها البطاطس ونضعها على البوتجاز من فوق تستوى كويس
وبعدين ندخلها الفرن تأخذ لون لثوانى
وتقدم بالهنا
** منوس ننوس **
(منى عبد المنعم)
تعليقات
إرسال تعليق