طريقة عمل لفائف الفراخ بالموزاريلا أو رول الدجاج بالصور والخطوات وصفات منوس ننوس

طبق سهل وبسيط جدا وطعمة جميل وخفيف

وممكن لو مش متوفر جبنة موزاريلا ممكن شيدر 

طريقة الإعداد والتحضير

هنا نحتاج الى صدور دجاج وممكن كمان يتعمل بالرومى 

ندقها كويس تكون رقيقة ونتبلها بخلطة بهارات حسب الرغبة انا حطيت زعتر وفلفل وملح وسماق وبابريكا وثوم بودرة وببصل بودرة وجوزة الطيب ورشة زيت وندعكها كويس باليد بالشكل دة

مكونات ومقادير خلطة الحشو

هنا دى الخلطة اللى هنحشى بيها الصدور عبارة عن جبنة موزاريلا وشرائح زيتون اسمر واخضر وبصل اخضر او عادى مدعوك بملح وفلفل لكن لا نكثر من الملح لأن الزيتون مملح

نقص قطعة من نايلون التغليف الخاص بالطبخ ونضع قطعة من الصدور علية

وناخد جزء من الحشو ونضعة على الطرف بالشكل دة

ونلفها رول بهذا الشكل

ونلف النايلون عليها باحكام ونغلقها من الاطراف بهذا الشكل

وترص فى صينية فرن وتغطى بالفويل وندخلها الفرن بتاخد من تلت ساعة الى نصف ساعة بدون ما نضيف اى سوائل اخرى هى الفراخ هاتجيب مية وتستوى فيها

ودة شكلها بعد ما استوت نفك النايلون بتكون اصابع كدة ممكن تقدم كدة بس الافضل تقطع الى دوائر بالورب (بالميل )

وتقدم بهذا الشكل مع بطاطس وممكن مكرونة او جلاش حسب الرغبة
وبالهنا والشفا

** منوس ننوس **
(منى عبد المنعم)