كيفية تحضير فيليه صدور الدجاج المشوى بالصور والخطوات من طبخات الشيف منى عبد المنعم

طريقة العمل والإعداد

الطريقة دى حلوة جدا وسهلة ومش بتاخد وقت ممكن تتعمل على الجريل وممكن فى طاسة كهرباء وممكن على الشواية الكهربائية انا هنا عملتها على الشواية

نحتاج الى صدور دجاج فيليه بهذا الشكل

ونضع شرائح الصدور بين كيسين نايلون ونطرقها طرقات بسيطة علشان تستوى كويس دة شكلها قبل الطرق 

ودة بعد ما طرقناها وممكن تقطع بالطول الى نصفين علشان ما تكونش عريضة جدا 

هنا نحضر التتبيلة الخطيرة نحضر وعاء الخلاط وونضع فية بصلتين كبار مقطعين مع نصف كوب ماء ونخلطة ثم يصفى وبكدة نكون حصلنا على ماء بصل نضع هذا الماء فى وعاء ونصع علية كاتشب وصويا صوص وعصير ليمون وبابريكا وملح وفلفل وبهارات الكميات حسب الرغبة ونقلبهم كويس 

ونضع فيها الدجاج حوالى ساعة 

ثم نحضر الاسياخ الخشبية وطبعا لازم ننقعها عشر دقائق فى الماء

لكى لا تحترق وندهنها بالزيت وندكك فيها شرائح الفيلية بالطول

تقريبا قطعتين فى كل سيخ ونفردها كويس 

ونسخن الشواية وندهنها زيت ونرص عليها الاسياخ بهذا الشكل

ونصب عليها من التتبيلة وطبعا نغطى الشواية علشان تستوى مش بتاخد وقت شوية على كل جهة لغاية ما تاخد علامات الشواء وتقدم بالهنا

مع صوص مايونيز بالمستردة والبقدونس 

ودة شكل الوجبة من قريب وتكفى لشخص أو 2 بالكتير

وتقدم مع رز بسمتى اصفر موجود طريقته على الرابط التالى

(طريقة عمل أرز بسمتى بالكركم بالصور والخطوات)

وهنا الشكل النهائى وتقدم بالهنا سهلة وبسيطة وخفيفة

** منوس ننوس **

(منى عبد المنعم)