طريقة تحضير مهلبية قمر الدين بالصور والخطوات فى المنزل من وصفات منى عبد المنعم

طريقة العمل والتحضير

طبعا هنا دة شكل باكيت القمر الدين 

نفك الباكيت ونقطع قمر الدين الى قطع صغيرة ونغلى ماء حوالى 2كوب ونصف او 3 اكواب ونصب الماء على قمر الدين ونقلبة ونتركة نصف ساعة يدوب 

ثم نقلبة ونضربة فى الخلاط مع اضافة السكر التحلية حسب الرغبة
وبكدة نكون عملنا عصير قمر الدين

مقادير ومكونات المهلبية

نحتاج الى كوب ماء وندوب فية 3 معالق كبار نشا وحوالى

 2 كوب ونصف عصير قمر الدين وممكن نقلله الى 2 كوب ومكسرات انا بحب احط زبيب وجوز (عين جمل) ولوز مقشر

طريقة تحضير المهلبية

هنا نصب العصير مع كوب الماء المذوب بالنشا مع بعض على البارد ونضبط السكر ثم نضعة على النار 

مع الاستمرار فى التقليب الى ان يتماسك ويتقل شوية طبعا احنا مش بنخليه تقيل جدا بيكون وسط بالشكل دة 

هنا نبدأفى اضافة المكسرات ونترك جزء من اللوز للتزين وطبعا نكسرها شوية بعد ما شيلنا الحلة من على النار ودة الافضل لان لو ضيففتى المكسرات الاول هاتخلى اللون غامق 

ونقلبة ونصبة فى اطباق او كاسات التقديم 

ويزين الوجه باللوز المقشر ورشة جوز هند حسب الرغبة ويبرد
ويقدم بالهنا مع تحياتى

** منوس ننوس **

(منى عبد المنعم)