طريقة العمل والتحضير
انا طبعا بجيب الفاصوليا الخضراء واقطعها قطع صغيرة بالورب (مائلة) يعنى ثم نغلى ماء ونسقطها فيه يا دوب نحطها ونشيلها على طول ومن الماء المغلى الى الماءالبارد مباشرة لكى تحتفظ باللون الاخضر الحلو بتاعها وانا كمان بحب اشوحها مع فلفل اسمر ومعلقة سمنة فى الاول طبعا ممكن تستغنوا عن الخطوة دى
وفى نفس الحلة اللى شوحت فيها الفاصوليا اعمل الصوص التسبيكة نضرب فى الخلاط طماطم طازجة مع بصلة مقطعة مع معلقة معجون طماطم (صلصة) وكوب ماء ونضربهم كويس ثم نصبهم فى نفس الحلة
وطبعا نكون سلقنا لحمة انا بستعمل لحم الموزة فى الخضار لكن طبعا حسب الرغبة ونضع اللحمة المسلوقة فى الصوص ونتركهم يتسبكوا مع بعض
الى ان يصبح بهذا الشكل
ثم نضع الفاصوليا
ثم نضع شوربة اللحم وملح ونتركها تستوى بهذا الشكل
وتقدم بالهنا مع رز ابيض وبالهنا
** منوس ننوس **
(منى عبد المنعم)
تعليقات
إرسال تعليق