طريقة التحضير
هنا انا بسيح الزبدة الصفراء وهى تسمى زبدة بقرى اما البيضاء تسمى زبدة جاموسى وهما الاثنين زبدة حيوانى وليست نباتى (مارجرين)
هنا نضع الزبدة فى الحلة ونرش رشة ملح صغيرة ونشغل النار
نقلبها نلاحظ انها لما ساحت بدأت تكون وش ابيض
طبعا بنخلى النار وسط لانها ممكن تفور ودى مرحلة تانية بعد ربع ساعة تحول لون الوش الى اللون الابيض زى الرغوة او زى الحليب
بعدين بتبدأ الرغوة دى تقل تانى بالشكل دة
الى ان تصبح منقطة كدة طبعا نقلب من حين لأخر هنا بقى نبدا نشيل الوش دة فى طبق جانبى وبنلاحظ ان السمنة بقت نقية مفيهاش حليب خلاص ونشيل كل الوش كويس ونطفى النار
شايفين دة شكل السمنة النهائى نتركها تبرد خالص وبعدين نفضيها فى علبة او برطمان زجاج حسب الرغبة ونخلى بالنا فى اخر الحلة هنلاقى زى الصوص السميك كدة ولونه بنى شوية نحتفظ بيه ونفضى أو نفرغ علية الوش اللى شيلناه من الأول
ونشغل النار تانى شوية ونضيف له معلقة قشطة فلاحى او بدون براحتكم ونقلبها مرتين أو تقلبتين كدة ونفضيها فى طبق ونأكلها زى الجبنة مثلا بس دى بتكون حادقة ومشهورة عندنا فى مصر باسم مورتة
هنا انا حطيتها فى علبة كبيرة
وحطيتها فى التلاجة ودة شكلها جميلة جدا
** منوس ننوس **
(منى عبد المنعم)
تعليقات
إرسال تعليق