المقادير والمكونات
300 ملي لتر ماء + 3 ملاعق صغيرة سكر + معلقتين صغيرة ملح + 120 جرام زبدة + 240 جرام دقيق + 6 بيضات كبيرة الحجم وفانيليا وليمون
المقدار ده بالجرامات بالوزن يعنى وبصراحة دة اضبط مقدار دى كمية الزبدة والمكيال دة خاص بالسوائل ودى كمية الماء وانا ضفت عليها السكر والملح
طريقة الإعداد والتحضير
نضع الماء واسكر والملح والزبدة فى حلة على النار
الى ان تذوب الزبدة ويبدا فى الغليان
اول ما يبدأ فى الغليان نضيف الدقيق دفعة واحدة ونقلب بمعلقة خشب
الى ان يصبح كرة واحدة لا تلتصق بالاناء
بهذا الشكل العجينة كلها لمت ولم تترك اى أثر فى الحلة
ولازم نقلبها دقيقتين كدة على النار
ثم تنقل فى وعاء اخر وتترك تبرد شوية وبعدين تغلف بالنايلون
وتوضع فى التلاجة حوالى نصف ساعة
نخرجها من الثلاجة ونضعها فى الميكسر او العجان وبصراحة دة ضرورى لنجاح العجينة دى علشان البيض يختلط كويس فى داخل العجينة
نبدأ بإضافة البيض واحدة واحدة ونخلط الى ان تختفى تماما
نبدأ بإضافة الاخرى وهكذا
انا هنا تقريبا وصلت لنصف كمية البيض حبيت بس تشوفوا شكلها بالتدريج
بدأت تتحول الى شكل الكريمة شوية
ودة شكلها النهائى ملاحظين الفرق يجب ان نتوقف عن اضافة البيض
لما نرفع العجينة وتعمل شكل المنقار
وهو دة المقصود بشكل المنقار دة من قريب علشان الفكرة تكون واضحة
نبدأ فى تشكيل العجينة نحتاج الى صوانى فرن
ونضع فيها ورق زبدة وندهنة بسيط خالص سمنة او زبدة
ونضع العجينة فى كيس حلوانى بقمع سادة ولو القمع مش متوفر ممكن ماكينة البيتيفور ونركب فيها القمع بتاعها
هنا دة شكلها نعمل كور ومانحاولش نضغط عليها لازم تكون مرتفعة كدةلو كبرنا الكرات هاتكون كريم باف ولو صغرنا هاتكون بروفترول ولو عملناها طويلة هاتكون اكلير ودى مسميات العجينة بتختلف المسمى مع اختلاف الشكل والحشو
وخلى بالكم فى منقار فى كل كرة احنا عايزين نضيعة
وعلشان نضيعة نبل اصبعنا بالماء ونضغط على المنقار دة براحة ودة شكلة ندخلها فرن حار جدا طبعا نكون مشغلينة قبل بوقت وعلى درجة حرارة عالية لمدة ربع او تلث ساعة لغاية ما ينتفخنخفض النار خالص ونتركة حوالى ربع او تلت ساعة كمان لغاية ما ينشف علشان يكون من جوه مستوى كويس
ودة شكلة لما استوى دة الحجم الكبير ( الكريم بف )
ودة الحجم الصغير البروفترول
هنا الحجم الصغير يحشى بالمحقن كاستر او كريم باتيسير ويوضع فى كاسات ويجمل بالشيكولاتة السايحة ( صوص الشيكولاتة ) والبندق
ويقدم بهذا الشكل ودة البروفترول
وهنا ممكن نفتحها بالسكينة ونحشيها ايس كريم او برضوا كاسترد وتزين بالشيكولاتة والبندق حسب الرغبة وده الكريم باف
وبيكون دة شكل الكريم باف يقدم فى اطباق زى الجاتوة
وممكن برضة يقسم نصفين ونضع كاسترد ثم القسم التانى وشه لتحت وبرضة نضع تانى كاسترد ويجمل حسب الرغبة وممكن يزين بالفاكهة بيكون رائع وبالهنا
** منوس ننوس **
(منى عبد المنعم)
تعليقات
إرسال تعليق