طريقة عمل رز معمر باللحمة بالصور والخطوات من مطبخ الشيف منى عبد المنعم

المقادير والمكونات

رز معمر باللحمة نحتاج لعمله الى لحمة مسلوقة الكميات حسب الرغبة

وعلبة قشطة فلاحى ولو مش متوفرة ممكن كريمة طبخ حوالى نصف كوب

ورز مصرى مغسول ومنقوع مثلا 2 كوب

وكوب شوربة

وكوب حليب

ومعلقة فلفل اسمر وملح

ومعلقة سمنة

طريقة الإعداد والتحضير

بعد ما نسلق اللحمة نضع السمنة فى صينة فرن او طاجن ونحمرها مع فلفل اسمر كتير اهم حاجة الفلفل الاسمر 

ثم نشيل اللحمة وفى نفس الصينة نضع الرز مع القشطة ونقلبة تقليبة 

ثم نعمل تجويف كدة فى منتصف الرز ونضع اللحمة فى المنتصف 

ثم نضع الحليب والشوربة معا وتكون ساخنة ونضعها على النار حتى يتشرب الرز الحليب والشوربة وطبعا نحط ملح ثم نضع على الوجة قشطة او كريمة 

ثم ندخلها الفرن ونغطيها بالفويل 

الى ان يكمل سواه ويأخذ اللون الذهبى كما بالصورة التالية

ويقدم بألف هنا مع شوربة ومكعبات بطاطس فى الرابطين التاليين

(طريقة عمل مكعبات البطاطس المقلية بالصور والخطوات)

(طريقة عمل شوربة لسان العصفور بالجزر)

** منوس ننوس **

(منى عبد المنعم)