طريقة عمل ديك رومى تركى ( حبش ) بالصور والخطوات من مطبخ الشيف منى عبد المنعم

طريقة الإعداد والتحضير

لتحضير الديك اولا نكون منظفين الديك تماما وينقع فى ماء بخل حوالى ساعة ثم يشطف بالماء 

ونقوم بتتبيلة قبلها بيوم نحضر وعاء الخلاط ونضع فية بصلتين مقطعين وحبة واحدة طماطم وحبة واحدة فلفل وكوب من الماء مع عصير 3 ليمونات وملح وفلفل اسمر وممكن زعتر ونضربهم كويس فى الخلاط ونضع الديك بداخل كيس ثم نصب الخلطة علية ونغلق الكيس باحكام ويوضع فى صينة فى الثلاجة لتانى يوم 

وهنا نجهز كمية من الزبدة اللينة ونخلطها مع شوية بابريكا وممكن لا حسب الرغبة ودى علشان ندهن بيها الديك بين الجلد واللحم 

وهنا نحضر كمية من الجزر والبصل والطماطم والفلفل المقطعة كبيرة نسبيا 

نحضر قارب او صينية كبيرة تكفى الديك ونضع الخضروات فيها وكمان لو متواجد كرفس بيقى حلو قوى ونترك جزء لنضعة بداخل الديك كحشوة 

وهنا انا حطيت جزء من الخضار بداخل الديك بهذا الشكل 

هنا نبدأ فى فصل الجلد عن اللحم باليد بخفة

ثم نقوم بوضع خليط الزبدة بداخلها من جميع الجوانب

مع دهان الديك من برة كمان وطبعا نرش توابل وملح وفلفل على الخضار فى القاعدة وكمان نضع ورقتين لورة وفصين حبهان 

نلف الصينية بورق الفويل كاملة وندخلها الفرن 

اخد حوالى 4 ساعات وكل ساعة افتح الفويل واخد بالمعلقة من الصوص اللى بينزل من الديك واسقى بية الديك من فوق وهكذا وفى اخر نصف ساعة نشيل ورق الفويل وندهنة تانى بالزبدة مع ربع معلقة صغيرة عسل نحل علشان يلمع ونتركة ياخذ لون ذهبى ودة شكلة قبل ما ياخذ اللون الذهبى

ودة الشكل النهائى ويقدم بالهنا 

** منوس ننوس **

(منى عبد المنعم)