طريقة عمل معمول التمر أو العجوة بالصور والخطوات من مطبخ الشيف منى عبد المنعم

المقادير والمكونات

3 كوب دقيق سمولينا (سميد)

نصف كوب دقيق

2 اصبع زبدة حوالى بالوزن 240 جرام بدرجة حرارة المطبخ (لينة)

كوب ماء فاتر

نصف معلقة صغيرة خميرة

نصف معلقة صغيرة سكر

2 معلقة كبيرة حليب بودرة

معلقة صغيرة محلب او بدون

معجون تمر وممكن نضيف لة حبهان مطحون او قرفة حسب الرغبة

طريقة العمل والتحضير

اولا نحضر الزبدة والسميد والدقيق 

نخلط الدقيق على السميد ونقلب ثم الزبدة 

ونبسسها بين راحتى اليد ودة بيكون شكلها

نغطيها بالنايلون ونتركها طول الليل او حوالى 6 ساعات

حتى تتسرب حبات السميد الزبدة 

ثم نحضر كوب الماء الدافى ونذوب فية السكر والخميرة ونتركه شوية

ونضع الحليب البودرة والمحلب ونخلط 

ثم نلمة بالماء نضيف بالتدريج وليس مرة واحدة ممكن تاخد اقل من الكوب شوية حسب الحاجة يعنى الى ان تتكون عجينة حلوة بالشكل دة نغطيها ونتركها ربع ساعة 

وهنا انا حضرت التمر حطيت علية معلقة زبدة وحبهان مطحون وعجنة مع بعض وعملتة كور اكبر من البندقة بشوية

وهنا كمان دى قوالب جاهزة للمعمول والكحك حسب الرغبة 

ناخد كرة بحجم القالب من العجينة ونفردها شوية باليد وناخذ كرة من التمر ونضغط عليها ضغطة خفيفة علشان تكون متوزعة كويس

ونلم العجينة من الجوانب على التمر 

ثم نغلقها بخفة ونضعها فى القالب 

ونضغط عليها تماما حتى تطبع النقشة فيها 

ثم نقلبها على صينية الخبز مباشرة 

ثم نضغط الزر الاحمر لكى تنزل المعمول على الصينية 

ودة شكل الصينة المقدار بيعمل حوالى 32 حبة معمول 

ندخلها الفرن ونكون مشغلينة قبل بوقت بياخد حوالى ثلث الى نصف ساعة الى ان ياخد اللون الذهبى 

وممكن يقدم بالسكر البودرة وممكن بدون حسب الرغبة 

ودة شكلها من جوة 

وكل عام وانتم بخير 

** منوس ننوس **

(منى عبد المنع )