حلوى الكراميل المقرمش بالخطوات المصورة من مطبخ الشيف منوس ننوس

النوع دة من انواع الحلوى السهلة اللذيذة بيحبوها الاطفال والكبار كتير

المقادير والمكونات

كوب سكر

معلقة كبيرة زبدة

شيكولاته سايحه للتزين

نصف معلقة صغيرة بيكاربونات صوديم (باكينج صودا) او ما يعرف (كربوناتو)

طريقة العمل والتحضير

نضع السكر فى حلة على النار ونتركة يتكرمل مع التقليب 

وعندما يصل الى المرحلة السائلة نضع الزبدة 

ثم نضع الباكينج صودا ونقلب وخلى بالكم بتفور (بتعلو) يعنى نخفض النار شوية ونتركها تتقل ونقلب دقيقتين تقريباً

ثم نصبها على سيلكون او على الرخامة بس ندهن الرخامة علشان نعرف نشيلها ونتركها تبرد انا صبتها على لوحة تقطيع بلاستيك 

وممكن نقطعها على طول بس انا تركتها تمسك شوية وبعدين عملتها عمود وتركتة يجمد تماما وممكن نحطة فى الثلاجة شوية 

وبعدين نكسرة بشكل عشوائى 

ونغمس طرفه فى شيكولاته خام سايحه ونتركها تتماسك 

ويقدم بالهنا لذيذ جدا كنوع من التغير فى الحلوى وبالهنا

** منوس ننوس **

(منى عبد المنعم)