طريقة عمل أسهل مخلل باذنجان ابيض بلدى صغير بالصور والخطوات من مطبخ الشيف منى عبد المنعم

كيفية الإعداد والتحضير

هنا دة شكل الباذنجان وحلاوته انه يكون صغير بالشكل دة 

الأول نشيل الجزء الاخضر اللى فوق دة ونغسله كويس 

ثم نضع قدر على النار فية كمية من الماء ونضع معلقتين خل كبار وملح ثم نضع فيها الباذنجان ونتركه حوالى خمس او عشر دقايق بالكتير ولا نتركه فترة طويلة 

ثم نتركه يبرد شوية وطبعا نحتفظ بماء السلق علشان هنحتاجه

ونمسك واحدة واحدة ونشقها من جانب واحد فقط بهذا الشكل 

وهنا نحضر تتبيلة مميزة وحلوة لحشو الباذنجان من الداخل نضع كمية من الثوم والكمون والملح وفلفل اخضر فى محضرة الطعام او كبة صغيرة او هاون 

ونضيف فلفل احمر مفروم ونخلط بهذا الشكل دى تتبيلتى الخطيرة طبعا ممكن تستغنوا عن الفلفل الاحمر بس الصراحة بيفرق فى الطعم 

ونمسك الباذنجان ونحشية بالخطة دى بس مش كتير 

ثم نحضر برطمان زجاجى ونرص فية حبات الباذنجان 

ثم ناخذ من ماء السلق ونملا البرطمان بهذا الشكل

مع وضع فص ثوم بالشكل ده كده فى البرطمان 

ونغلقه ونتركه حوالى يومين ثلاثة تقريبا ليكون جاهز للأكل وبألف هنا

**منوس ننوس**

(منى عبد المنعم)