دى نوع من السلطات او المقبلات اساسها الباذنجان الاسمر الرومى وانهاردة انا هاقولكم على طريقة لذيذة فى العمل والمذاق وبتكون حلوة قوى مع السمك المشوى الكميات مفتوحة حسب الرغبة والكمية
المقادير والمكونات
نحتاج الى باذنجانه كبيرة اسمر رومى
وفصين ثوم بقشرة
وعصير ليمون
وحبة واحدة من كل من (بصل - فلفل - طماطم)
وملح وكمون وشطة حسب الرغبة
كيفية الإعداد والتحضير
طبعا ممكن نشويهم فى الفرن وممكن على البوتجاز من فوق انا بعمله فوق بصراحة وهنا حبيت تشوفوا دى بنسميها شياطة ( صاجة ) تباع جاهزة
وهنا انا حطيت الشياطة على النار تسخن وحطيت فوقها قطعة فويل ونرص عليها كل المكونات علشان تتشوى ونقلبهم من وقت لاخر كل المكونات توضع بقشرها
وهنا انا بحب احط تتبيلة من بتاعت السمك وهى عبارة عن شطة مفرومة وثوم وملح وكمون وليمون وكمان حطيت فلفل احمر مفروم وعصير ليمون وملح
ونخلط الى ان نحصل على خليط متجانس بهذا الشكل
وطبعا لو مش متوفرة محضرة الطعام ممكن بالشوكة عادى
ويقدم بالهنا
**منوس ننوس**
(منى عبد المنعم)
تعليقات
إرسال تعليق