كيفية إعداد وتحضير الصينية
فى البداية نحضر البلح الاسمر ونغسله كويس
ونقشر القشرة الخارجية ونشيل النواة ونقطعها نصفين بالشكل دة
نحضر صينية الكيك ونبطن الجوانب بزبدة ودقيق ومن القاع نضع ورق زبدة
نضع معلقة من السمنة او الزبد ونفردها فى الصينية بهذا الشكل
نرش كمية من السكر البنى الفاتح او الغامق مفيش مشكلة
ولو مش متوفر ممكن سكر عادى لكن البنى بيدى طعم مميز
نبدأ نرص انصاف البلح بالشكل اللى تحبوه
بحيث يكون البلح وجهة تحت وداخلة لفوق بهذا الشكل
هنا بقى نبدأ فى تحضير الكيك وهو سهل جدا وعبارة عن كيك اسفنجى
المقادير والمكونات
كوب من السكر البودرة
كوب بيض (نكسر البيض فى الكوب ونعايرة بالكوب) على حسب ما تاخد الكوباية
كوب دقيق منخول ومعلقة صغيرة باكينج بودر ومعلقة كبيرة ماء مغلى
فانيليا وعصير ليمون
طريقة العمل والتحضير
نضع البيض مع الفانيليا والليمون والسكر فى العجان
ونبدأ بالخفق شوية وبعدين نضيف الماء ونخفق لمدة عشر دقائق
ملاحظين الفرق دة بعد خفق البيض والسكر لكن البولة امتلئت
ولونة ابيض وهش جدا ودة هو سبب نجاح الكيك الاسفنجى
نضيف الدقيق والبودر المنخولين تدريجا
مع التقليب بخفة ودة شكلة ملاحظين كمية الفقاقيع
نصبة فوق البلح وندخلها الفرن المشغل مسبقاً
فى الرف الاوسط تاخد حوالى نصف ساعة
ودة شكلها اول ما تطلع من الفرن لازم نقلبها مباشرة
لإن لو لم نقلبها فوراً وهى ساخنة سيجمد السكر ويمسك بالصينية
ودة شكلها من الجنب
ودة شكلها النهائى بعد ما قلبناها وبالهنا
** منوس ننوس **
( منى عبد المنعم )
تعليقات
إرسال تعليق