كيفية التنظيف والتقشير
هنا انا قسمت اقرع الى نصفين بالطول ودة شكلها من جوه الصورة
اللى يمين اما الصورة الشمال دى بعد التنظيف بنضف القلب بالمعلقة
وبعدين الى شرائح طولية انا قشرتها بالمقشرة
بتاعة البطاطس سهلة جدا بيها عن السكينة
ودة شكلة بعد التقشير
هنا دة الميزان نضع علية الطبق وهو فاضى ونضبط المؤشر على الزيرو
وبعدين نقطع القرع الى مكعبات او الافضل نبشرة
لانى كدة كدة عايزاة مهروس فى الاخر انا هرستة
وهو بستوى بس تعبنى شوية فالأفضل انكم تبشروه من الاول
المقادير والمكونات
لكل كيلو من القرع نصف كيلو من السكر
وعصير ليمونة كبيرة وعود قرفة وحبتين قرنفل ورشة جوزة الطيب
طريقة العمل والتحضير
بعد ما نوزن القرع نضيف لة نصف كمية السكر فقط
ونترك النصف الاخر على جنب على شكل طبقات متبادلة
ونضعة فى الثلاجة من بليل للصبح ودة شكلة
الصبح السكر ذاب وتحول الى صوص او عسل
نصفية ونترك القرع على جنب وناخد الماء اللى طلع منة دة
ونضيف لة باقى كمية السكر ونشغل النار ونقلب كويس حتى يذوب السكر
هنا انا عصرت كمية الليمون ووضعت فيها القرفة والقرنفل
ورشة بسيطة جوزة الطيب بتديله طعم حلو
لما يغلى الماء والسكر ويتقل شوية زى شربات الشيرة كدة
لو فى ريم ظهر نشيلة كويس وبعدين نضيف الليمون بالتوابل
ثم نضيف القرع ونتركة يستوى كويس
وهنا نختبر الصوص نضع طبق فارغ فى الفريزر
يبرد وبعدين نطلعة ونضع علية معلقة صغيرة من الشيرة
ونحرك الطبق لو تحركت وكانت تقيلة ومكرمشة كدة
يبقى كدة تمام لو لسة خفيفة نتركها تتقل
هنا بقى انا هرست القرع كل دة وهوة على البوتجاز بالشكل دة
علشان كدة بقولكم ابشروه افضل من الاول ونطفى النار
ونتركها تبرد ونضعها فى برطمانات زجاج
ودة شكلها النهائى وبألف هنا شبيهة بمربى الجزر بس طعمها جميل جدا
** منوس ننوس **
( منى عبد المنعم )
تعليقات
إرسال تعليق