قرنبيط ( زهرة ) باللحمة المفرومة بالخطوات المصورة من الشيف منوس ننوس

طريقة مختلفة شوية للقرنبيط تشبه المسقعة جربوها هاتعجبكم ان شاء الله

طريقة العمل والتحضير

دة شكل الزهرات قطعتها وسلقتها فى ماء وملح وكمون بالشكل دة

وهنحتاج الى كمية من اللحم المفروم المعصج بصلصلة الطماطم

والبصل والملح والفلفل والكمون رئيسى فى الوصفة دى اشبه بالمسقعة

هنحتاج فى الوصفة دى اننا نحمرها فى زيت بدون دقيق

ولا أى حاجة تحمر مباشرة حتى تأخد اللون الذهبى

هنا نحضر صينية فرن تكون صغيرة وعميقة

او قارب او حلة بدون يد لانها هاتدخل الفرن 

نضع فيها شرائح من الطماطم فى القاع

ثم نضع اللحم المفروم بعد ما استوى بالشكل دة

وهنا نبدأ بترتيب الزهرات

نخلى الرأس للخارج بالشكل دة

وهكذا الى ان تنتهى الكمية وطبعا نرش ملح وكمون على الزهرات

وبعدين نضع طبقة اخرى من شرائح الطماطم الرقيقة

ونضع كوب ماء بالشكل دة ونضعها على البوتجاز

تستوى تانى علشان الزهرات تاخد اللون الاحمر

وتاخد طعم اللحم ولازم الماء كله ينشف وتتسبك كويس

ثم توضع فى الفرن تحت الشواية نحمر الوجة بس

تقدم بالهنا جميلة جدا وطعهمها مختلف

ممكن تؤكل بالخبز أو بالرز الابيض المصرى وبالهنا

** منوس ننوس **

(منى عبد المنعم)