طريقة العمل والتحضير
دة طبعا شكل قرع العسل دة حجم صغير شوية طبعا فى اكبر
نغسلها كويس وننشفها من برة ونقسمها نصفين
هنلاقى قلبها فية بذور بهذا الشكل نشيلة وننظفها كويس
تصبح بهذا الشكل
نضعها على ورق فويل ونرش عليها سكر بنى او عادى
حسب الرغبة انا استعملت بنى وقطعة زبدة صغيرة
ونغلق ورق الفويل جيدا ونضعها فى صينية داخل الفرن الى ان تنضج
طبعا ممكن نقطعها مكعبات ونسلقها فى ماء وسكر بدون فرن
حسب الرغبة انا قلت اجرب حكاية الفرن دى أخذت حوالى 45 دقيقة فى الفرن
ودة شكلها بعد ما خرجت من الفرن والسكر تحول الى عسل بهذا الشكل
نخرج القرع من القشرة ونضعة فى طبق عميق
مع الصوص اللى بيخرج منة ونهرسة كويس
نحضر صينية فرن وندهنها زبدة ونضع فيها القرع المهروس
هنا انا عملت البشاميل الحلو طبعا
المكونات والمقادير
2 كوب حليب مع 3 ملاعق سكر مع 3 ملاعق كبيرة دقيق ومعلقة من خليط القرع
كيفية الإعداد
نضع كله على بعض فى الخلاط وبعدين نضعة على النار
يتماسك شوية زى البشاميل دة فى حالة شوى القرع اما لو سلقناة
هنضيف كوب من ماء السلق الى الخليط السابق
ثم نضع تشكيلة من المكسرات حسب الرغبة
ثم طبقة البشاميل ومعلقة سمنة او زبدة بسيطة
على الوجة وندخلها الفرن الى ان تحمر
ودة شكلها
وممكن نرش عليها حليب مكثف محلى
بيديها طعم جميل عند التقديم وبالهنا
** منوس ننوس **
( منى عبد المنعم )
تعليقات
إرسال تعليق