دة نوع من الفطيرات او المعجنات معروف فى تركيا بإسم برك تركى ممكن يحشى جبن او سبانخ يشبهه المعجنات العادية عندنا بس المميز فية زيت الزيتون جربوه هيعجبكم جدا ، والبرك التركى له اكثر من طريقة الطريقة دى اسهلهم ممكن يتعمل باوراق الجلاش فى صينية او اصابع او مثلثات ، وممكن تتعمل بعجينة زى مثلا عجينة العشر دقائق على شكل مثلثات ، انا هنا عملتة بالجلاش وحشيته جبنة
طريقة العمل والتحضير
الاول ندهن الصينية زيت زيتون
ونبدأ بفرد اوراق الجلاش ونترك الاطراف فى الخارج
مرة يمين ومرة يسار بهذا الشكل
ونضع الحشو هنا انا حطيت تشكيلة اجبان
وممكن كمان رشة بقدونس على الاجبان
انا هنا استعملت جبنة فيتا وكريمى وشيدر وموزاريلا وجبن رومى
وبعدين نرجع نقفل الجوانب مع دهانعا بالزيت الزيتون
حتى ننتهى من الصينية نقطعها الى مثلثات
ونسقيها حوالى نصف كوب حليب او اكتر شوية
مع رشة ملح وفلفل اسمر فقط ودهنة بسيطة زيت زيتون
وندخلها الفرن الى ان تحمر
ودة شكلها بعد ما استوت نرجع نعيد على علامات التقطيع
وتقدم ساخنة وبالف هنا طعمها رائع جدا
** منوس ننوس **
(منى عبد المنعم)
تعليقات
إرسال تعليق