طريقة عمل بسطا أو باستا فلورا ( تريفل ) بالصور والخطوات من مطبخ منى عبد المنعم

يطلق عليه بسطا فلورا أو بستا فلورا ( تريفل )

المقادير والمكونات

3 كوب دقيق +ثلاثة ارباع كوب زبدة لينة +ثلاثة ارباع كوب سكر مطحون

+3 حبة بيض وفانيليا +معلقة كبيرة باكينج بودر

المقادير دى تكفى 2 صينية بيتزا مقاس 28

طريقة العمل والتحضير

الاول نخفق الزبدة مع السكر

ثم نضيف البيض والفانيليا ونخفق

الى ان تصبح كريمى بهذا الشكل

نضيف الدقيق والبودر ونخلط وممكن نعمل الخطوة دى باليد

الى ان نحصل على عجينة متماسكة وطرية

نقسم العجينة الى نصفين وكل نصف نترك منة جزء صغير للتزين 

هنا انا فردت العجينة بسمك 1 ونصف سم تقريبا

لانها هاتنفخ لما تستوى وندهن الصينية زبدة او سمنة بسيط

ثم نضع طبقة من المربى اى نوع تفضلونة انا هنا حاطة مشمش

مع مراعاة عدم ملاصقة المربى على الاطراف نترك مسافة

دى بواقى العجين نشكلها حسب الرغبة مكن نشكلها باليد او بالادوات

ولو حسينا انها طرية قوى ممكن نزود دقيق على الجزء

اللى هانشكل بية دة انا هنا عملت شرائط بالعجلة

وزينتها بالشكل دة

ودى صينية تانية غيرت الشكل ابدعوا براحتكم نخلها الفرن نكون مشغلينة

قبل البدء بالتنفيذ بتاخد حوالى من ربع الى تلت ساعة مع مراقبتها

ودة شكلها بعد ما استوت

ودة شكل الصينية التانية هيا بتكون مقرمشة شوية زى البسكويت

بس طعمها جميل جدا تقطع بالسكينة وتقدم بالهنا

ودة شكل تانى كمان يارب يعجبكم

** منوس ننوس **

(منى عبد المنعم)