العجينة دى نقدر نسميها عجينة الميلفى هى صحيح متعبة شوية بس جميلة جدا
وبنعمل بيها حاجات كتير كرواسون وباتيه وفطائر ودانش وبالمية
وطبعا ممكن تشتروها جاهزة وتطبقوا الحشو فقط حسب الرغبة
المقادير والمكونات
نصف كيلو دقيق +50جرام زبدة +20جرام سكر
+ 20جرام خميرة فورية +معلقة صغيرة ملح
طريقة العمل والتحضير
نضع كلة على بعض وتعجن بالماء البارد
حسب ما تحتاج العجينة تقريبا كوب
حتى تصبح بهذا الشكل
توضع فى طبق وتغلف بالنايلون وتوضع فى الثلاجة نصف ساعة
نكون مجهزين فى الثلاجة مقدار 200 جرام من الزبدة ونضعها فى ورق زبدة
ونفردها على شكل مربع تكون مبردة
نفرد العجينة بعد ما بردناها الى مستطيل قد الزبدة مرتين
نحط الزبدة فى النصف
نطوى عليها العجين من الطرفين بهذا الشكل بيبقى شكلها كدة بعد الطوى
نفردها بالنشابة ونطويها تانى
النصف بالنصف وبعدين على بعض بهذا الشكل
ثم توضع ساعة فى الثلاجة ونكرر هذة الخطوة 4 او 6 مرات بين كل مرة
ترتاح ساعة فى التلاجة ونرش شوية دقيق واحنا بنفردها
واخر مرة نحطها فى الفريزر علشان تبقى سهلة فى التشكيل
ودة شكل الطبقات يارب تكون واضحة
هنا انا اخذت جزء من العجينة وفردتها مستطيل كبير بالشكل دة ورفيع
ندهنة بسيط جدا حليب نرش علية كمية كبيرة من السكر
ونلف المستطيل من الجانبين بهذا الشكل الى ان يتقابلوا مع بعضهم
نرش كمان سكر من برة ونضغط ضغطة خفيفة ونلفها فى الورقة
او نايلون ونضعها فى الفريزر ربع ساعة
ونطلعها نقطعها الة شرائح بهذا الشكل
نضع فى الصينية ورقة زبدة ونرصها بالشكل دة وندخلها فرن حار
حتى تصبح ذهبية اللون ومكرملة اول ما نطلعها
نشيلها على طول علشان ما تمسكش فى الورق
ودة شكلها النهائى مقرمشة ومكرملة وطعمها رائع بالهنا
** منوس ننوس **
(منى عبد المنعم)
تعليقات
إرسال تعليق