طريقة تنظيف وطهى الكابوريا بالصور والخطوات من طبخات الشيف منوس ننوس

هنا الصورة دى لتوضيح الفرق بين الكابوريا الانثى من الذكر

وطبعا الافضل عند الشراء نشترى الانثى 

شرح طريقة تنظيف الكابوريا

هنا نمسك الكابوريا واحدة واحدة وتحت الماء نغسلها كويس 

ثم ننزع الجزء السفلى دة 

وبيكون من جوة شكلة كدة 

نشيلة خالص ونغسلها كويس لانها بيكون فيها رمل 

وبكدة بتكون جاهزة للاستخدام

طريقة العمل والتحضير

نضع الكابوريا فى حلة ونقطع عليها مكعبات بصل وفلفل اخضر

وطماطم وفصين ثوم ونضع كمون وملح وشطة وليمون 

ونقلبها بالحلة نهزها كويس حتى تختلط ونضعها على النار 

تتحول الى اللون الاورنج بمجرد وضعها على النار 

نتركها حوالى ربع ساعة مع هز الحلة من وقت لاخر وتقدم بالهنا 

ودة شكلها النهائى وعند الاكل تقشر ونستخرج منها قطعتين اللحم

بتكون فى البطن من الداخل هى تعتبر تسالى

يعنى نعملها بجانب صنف اسماك او جمبرى

**منوس ننوس**

( منى عبد المنعم )