طريقة عمل كفتة الحاتى السهلة بالصور من أكلات منوس ننوس

المكونات والمقادير

نحتاج الى نصف كيلو او اكتر حسب الرغبة لحمة مفرومة 

ونحتاج ايضا الى بصلة كبيرة وشريحتين توست ابيض طرى منزوع الاطراف دة بيخلى الكفتة جنان نبلة ماء ونعصرة كويس

طريقة العمل والتحضير

نفرم البصل ثم نضع التوست 

ونفرم ثم نضع اللحمة المفرومة 

مع البهارات والملح والفلفل وعصير نصف ليمونة 

ونخلط الى ان تتجانس المكونات 

هنا انا بحب اصبعها على سيخ بالشكل دة 

ونكفتها كويس بهذا الشكل طبعا الحجم حسب الرغبة 

ونحضر صينة وندهنها بسيط بالسمن ونرص اصابع الكفتة فيها 

وهكذا الى ان تنتهى الكمية 

نضعها على النار متوسطة ونغطى الصينية هى هاتجيب مية نستنى لما تشربها

وبعدين نزودها نصف كوب ماء اخر ونتركها تتشرب الماء وتستوى 

نعمل لها فحمة حتى تاخد طعم الشواء وتقدم بالهنا طرية جدا وطعمها رائع جدا

** منوس ننوس **

( منى عبد المنعم )