دى وصفة جديدة لساندوتش البرغر بطريقة مختلفة
جربوة ان شاء الله يعجبكم
المقادير والمكونات
4 كوب دقيق
ربع كوب حليب مجفف
ربع كوب زبادى او لبن رايب
معلقة كبيرة خميرة فورية جافة
معلقة كبيرة ملح + معلقة صغيرة سكر
4 ملاعق زيت وتعجن بحليب دافئ حوالى كوب
طريقة العمل والتحضير
الاول نخلط المقادير الجافة مع بعض ثم الزيت
ثم الزبادى او الرايب ونكمل عجن بالحليب الدافئ
انا هنا حبيت اوريكم شكل العجينة انا بحب اخليها لينة كدة
وبعدين رشة صغيرة دقيق بتظبطها كدة افضل كتير
نضعها فى طبق عميق ونغطيعا ونتركها تخمر
هنا نقسم العجينة الى 2 كرات ونغطيها ونتركها تخمر
هنا نجهز الحشو عبارة عن برجر مستوى وشرائح طماطم
نشيل القلب بتاعها وشرائح فلفل اخضر وزيتون وجبنة شيدر وكاتشب
هنا بعد ما اختمرت العجينة نفرد كرة منها على رشة دقيق
ونقطعها دوائر كبيرة بعدد زوجى بحيث كل قطعة يكون لها غطاء قطعة تانية
هنا انا حطيت الحشو بالضبط كانك بتعملى ساندوتش برجر
وهنا ناخد دائرة تانية ونغطى بيها الحشو ونضغط عليها بالشوكة
و ندهنها كاتشب ونرش سمسم ونتركها تخمر تانى عشر دقايق
وندخلها فرن حار حوالى ربع ساعة
ودة شكلها بعد ما استوت طعمها جميل وممكن نعملها بتشكن برجر
تقدم بالهنا مع بطاطس حسب الرغبة
** منوس ننوس **
(منى عبد المنعم )
تعليقات
إرسال تعليق