المقادير والمكونات
4 كوب دقيق + ربع كوب حليب مجفف + ربع كوب زبادى او لبن رايب
+ معلقة كبيرة خميرة فورية جافة + معلقة كبيرة ملح + معلقة صغيرة سكر
+ 4 ملاعق زيت وتعجن بحليب دافئ حوالى كوب
طريقة التحضير والإعداد
الاول نخلط المقادير الجافة مع بعض ثم الزيت
ثم الزبادى او الرايب ونكمل عجن بالحليب الدافئ
انا هنا حبيت اوريكم شكل العجينة انا بحب اخليها لينة كدة وبعدين
رشة صغيرة دقيق بتضبطعا كدة افضل كتير نضعها
فى طبق عميق ونغطيعا ونتركها تخمر
ودة شكلها بعد ما خمرت انا قسمتها 4 اجزاء
ناخد قطعة ونرش رشة بسيطة دقيق
ونفردها مستطيل على قدر الامكان بالشكل دة
وبعجلة البيتزا نقطع من الاطراف بهذا الشكل
بميل شوية علشان الضفيرة تطلع مضبوطة
ناخد قطعة ونرش رشة بسيطة دقيق ونفردها مستطيل على قدر الامكان بالشكل دة
وبعدين حطيت زيتون شرائح وفلفل اخضر
وشرائح من السوسيس او الهوت دوج طبعا بسوية الاول
نبدأ بتشكيل الضفيرة نجيب واحدة من اليمن ثم طرف من الشمال بالشكل دة
ودة شكلها النهائى
توضع فى صينية فرن مدهونة زيت ونرش عليها كاتشب
وممكن حليب مع زيت لانى مش بحب البيض
ونتركها خمس دقايق ترتفع شوية وندخلها الفرن حوالى ربع ساعة بالكتير
ودة شكلها بعد السوا جميلة جدا والجنة بتكون سايحة جدا
والمكونات كلها فريش وتقدم بالهنا تنفع عشاء
وممكن تغير غذاء ونحشيها اى حاجة وممكن فراخ كمان وبالهنا
** منوس ننوس **
(منى عبد المنعم)
تعليقات
إرسال تعليق